飲食男女《人物專訪》糯米飯豬骨粥喳咋紅足68年 延續三代 老闆:唔想失傳

193 981 意见63

    冬夜,小食檔強記擠滿人,糯米飯、豬骨粥、腐竹糖水、喳咋……騰騰白煙直送暖笠笠。就憑幾樣小食,強記立足灣仔68年,獲食家青睞、米芝蓮推介。「以前爸爸賣糯米飯,是為我們一家七口飽肚;今日我賣糯米飯,是為強記的招牌。」寒風中,59歲的老闆吳少峰(阿細)僅穿短Tee,利落地裝飯。他在街頭成長,十三四歲就講「雷氣」行江湖;97年接老父棒,始見一個更大的江湖:一碗糯米飯,竟然走出灣仔,享譽十八區。自此投身飲食,他義無反顧。
    強記美食位於駱克道和馬師道交界,是個樓梯底小鋪。食物放在幾架車仔上加工加熱;主打外賣,也設堂食;格局簡陋,摺枱膠凳只坐得下十四五人,不過一樣客似雲來,多是被糯米飯勾了魂。
    蒸熟的糯米飯,先在熱氣騰騰的車仔上快速打鬆,混入油爆過的臘腸、膶腸、臘肉、蝦米和冬菇,撒上葱花,澆上自家調味豉油翻炒幾下,香氣瞬即飄滿街。

    一碗飯紅紅綠綠端上來,很燙口!爽身不膩,香、甜、鹹、糯兼而有之,惹味十分。隨便問問客人,這個吃了40年,那個20年,都稱水準一直保持,難怪不同年代的食家如江獻珠、蔡瀾、歐陽應霽、林澄光都為它撰文。米芝蓮將小店歸入「街頭小食」一類,上月連續第四度推介;「我覺得有種滿足感,有種滿足感,起碼有人認同,這很重要的。」本來一臉嚴肅的阿細,開懷笑。
    投入,經驗就出來了
    強記一年四季都賣糯米飯,冬天日煮100斤米。「以前在街邊賣更多,最高紀錄在大寒賣280斤。食糯米飯暖胃的習俗,現在後生都不懂了。」阿細說。
    阿細選用泰國米,透露新米和舊米有不同浸法。「熱天浸的水暖些,浸出來的米腍些;冬天水溫是冷的,浸出來的米硬些,那就看浸的時間長短。」他師承父親,但父親講得不仔細,選米浸米全憑自己摸索,「當你做一件事,你放心機去做,你會領略到很多經驗出來。」
    他用本港一級臘味,蝦米和冬菇也要一級的。「用料要最靚,因為你有更好的師傅也無用,如果無好材料煮不出靚食物,不能腐朽化神奇。」從前父親的糯米飯沒冬菇,現在他一碗放一個,「擺個冬菇仔靚些,最重要是冬菇做得好吃。」阿細得意地解說。

    強記賣的貴精不貴多。獨沽一味豬骨粥,用上新鮮連肉豬骨;淡菜洗完又洗去淨細沙,爆香才下煲;粥在車仔再滾時加入少量皮蛋,一碗粥特別綿。
    糖水只三款:喳咋,香濃;綠豆沙,煲到起沙,下大把臭草平衡涼性;腐竹薏米糖水,順滑卻不漿口。豬皮蘿蔔炆得入味;來貨腸粉也特別加工煎出一層薄脆。這些烹煮講究分量和時間掌握,全是磨人的工夫。每日阿細六時多起身,煲糖水煮糯米飯三個小時左右,接着開鋪,中間瞌一陣,收鋪已經午夜。阿細坦言年紀大了,愈感辛苦,人做到愈來愈瘦。自己朝朝掌廚免不了,近年樓面就和三弟兩家人輪流做。
    牛雜強,闖出名堂
    早在父親年代,強記已是灣仔有名的街邊車仔檔。話說父親吳志強在上世紀四十年代從廣東寶安走難來港,做過電車車長、在羅素街開過大牌檔,因為爛賭輸光,1951年開始在鵝頸橋側賣牛雜和牛雜粥,街坊叫他「牛雜強」。1970年,益新飯店的大廚教他煮糯米飯,同時來自澳門的紅顏知己教他賣喳咋;從此,強記多了糯米飯和糖水。
    「我十歲時已經坐在馬路欄杆『睇鬼』。哎呀!走鬼呀!跟着推入後巷。」半世紀前的慌亂,阿細歷歷在目。六七歲他就跟父親開檔,「他賣牛雜時,放下我們幾兄弟,我們是街童,找些紙皮盒已經玩一餐。」一家七口上柴灣公屋前,就住在鵝頸橋側的天棚木屋,「漏水就拿盆來接;我們真是捱過,豬油撈飯捱過,腐乳送飯又捱過。」
    父母很早分開了,阿細在街頭長大,十三四歲就進入江湖。「那時灣仔有很多江湖人士,感染到甚麼都講『雷氣』。」阿細憶述輕狂歲月自己「想事不深入,想做就去做」。那時義氣先行,諢號「糖水細」的他,常常為朋友打架群毆。父親為口奔馳,有時勸他幫手看檔,「唔好咁百厭!」
    阿細強調,那個階段過去了。「人大了,我已結婚,有兩個兒子,我也要為他們着想。」97年,他建議父親入鋪,「那時街邊檔已經式微,我們被市政拉了很多次,不斷罰錢、充公搵食架生。」就在長期擺賣的馬師道上租了現址小鋪位,同年他正式接手強記,帶着三弟少明做到今天。
    「覺得很自豪,因為我爸爸很出名,那種自豪感跟在江湖的自豪感是兩回事。當我站在檔口,我知道客人來自四方八面,有的光顧了很久,我知道我需要放心機下去了。」
    執着的基因
    阿細第一碗糯米飯是父親煮的,味道早忘了,但父親的堅持深烙腦海:「八號風球或者傷了腿,他也堅持開工。六六、六七年暴動,沒巴士沒電車,周街『菠蘿』他也堅持搭貨車尾,由柴灣來到灣仔。」他發現父親煮得出色,不少人慕名而至。他「不想影衰爸爸」,着實有壓力。幸好他有爸爸的「執着」基因,若然失手食物煮不好,他整天都不開心。「有時回家望望大腿,為何紅了?因為糯米飯不熱不好吃,爐不熱就打不開糯米飯。」寒天企檔,站近火爐一晚,腿也炙紅了。
    阿細回憶,入鋪初時自己很火爆。「我當這裏是武館,請了夥計,枱椅抹得不乾淨,我即刻反枱。」今天,24歲的大兒子Elvis有意接手家業,放工放假主動來跟他學師,第一樣就是學抹枱,「做飲食業一定要乾淨企理。」Elvis很認同。阿細指兒子降龍十八掌,一式也未得。12歲開始就來店幫手的Elvis道來實情:「我只能從旁看他煮飯。他對出品很執着很嚴格,最多讓我打飯--打鬆糯米飯。」
    時間 親情
    今天,強記的食客版圖由父親的香港十八區,拓闊至新加坡、印尼、馬來西亞……遊客常常十盒八盒的外賣糯米飯。只是,近幾年米芝蓮的加持,父親已經看不到。
    夜風吹來,店前樹搖、影動。阿細憶述:「我好記得爸爸走前一個月,我去拜阿嫲和祖先。爸爸搭着我膊頭。他說:『少峰,你如果不是選擇江湖那條路,你會很成功。』」父親一直無病無痛,2011年中風遽然離世。
    日復日蒸煮煲,是漫長的修煉,火爆的阿細變得沉着內斂。「在江湖上有得有失:得的就是多了很多朋友兄弟;失是失去了時間,其實我應該放時間在爸爸的生意上。」往事並不如煙,父親一直在心頭。
    「多少位呀?裏面有位坐的!」每次經過強記,都聽到老闆娘賣力揚聲,炒麵煎腸粉收錢如三頭六臂。阿細有時累了,走到馬路邊點煙提提神,但雙眼一直留駐小店,「我甚麼運氣也沒有,最好是娶了一個最好的老婆。」當年因為妻兒,他才決意轉投飲食江湖。
    「以前很懶惰,常不開鋪。」兄弟其中一個想休息,就齊齊放假。客人經常摸門釘,又愛又恨。「現在大家有共識,都想留些東西給下一代,也不想爸爸辛苦留下的名字,或者這麼好的食物失傳了。」一年前,阿細榮升爺爺,對血脈親情、店號傳承更加在意。
    在廚房,手只一對。當年阿細放棄了父親起家卻工夫繁瑣的牛雜,只是20年來不時有老街坊問他何時再賣。「以前牛雜很便宜,幾毫子一斤;現在一副賣千多元,來貨貴,賣不起錢……將來有機會,我會開一間正式的店鋪賣牛雜,讓街坊緬懷一下。」二十多個寒暑,阿細守着強記,將老父的美食發揚光大,但心裏,像一幅砌圖,尚欠一塊。

    撰文:韓潔瑤
    攝影:關永浩、梁偉德、陳秉謙
    強記美食
    地址:灣仔駱克道382號莊士企業大廈地下
    電話:2572 5207
    營業時間:星期一至日 12:00nn-1:00am
    bit.ly/2QJwQ7D
    ===================================
    立即Subscribe我哋CN-new頻道:bit.ly/2Mc1aZA (飲食男女)
    新店食評,名家食譜,一App睇晒!
    立即免費下載飲食男女App: onelink.to/etwapp
    《飲食男女》Facebook:facebook.com/eatandtravel
    飲食男女網站:etw.hk

    Follow我哋Instagram,睇更多靚片靚相:bit.ly/2J4wWlC (@eat_travel_weekly)

    添加 18 天 前

    评论

    1. 騎士say黑

      佢老婆后生过去肯定好靓女

    2. Fanny Chome

      以前都唔係好多人去食呢啲大排檔除咗係啲街坊。依家香港地都冇乜嘢好食,反而呢啲舊式大排檔啲嘢仲比五星級餐館好食得多。

    3. Li Zeng

      你老婆是不是菲律宾女的啊,和你比较照片都是黑皮肤。

    4. Lau Lexus

      雷氣?? 神功蛊惑仔??

    5. Venus Leong

      子女承父业,精神可嘉。让香港美食继续流传,发扬光大👍👍👍👍👍🌟🌟🌟🌟🌟。

    6. Venus Leong

      好羡慕可以品尝呢间腊味糯米饭的食客😍😍。 个人好喜欢腊味糯米饭💖💖,但在马来西亚唔係常年都食到靓嘅腊味糯米饭。 希望日后有机会到香港游玩,品尝美食😀😀。

    7. Gourmet GPS

      根據 CN-new Share Embed 條款,在 美國 chinesecooking.tv/ 網站,分享你的视频,所有視頻點擊流量,無償歸你方所有, 如果您有任何意见,请与我们联系。

    8. venuspuiman lau

      我去食過,老闆好客氣,係一個踏實人,食出嘅仲有窩心人性味

    9. Michael Lo

      食得哂係因為細碗啫😂

    10. Kane Lau

      想問下營業時間?

    11. COMBINE Ltd

      比比地址。

    12. COMBINE Ltd

      你有沒有義氣人士介紹我認識?

    13. COMBINE Ltd

      識煑一味,便能養全家。所以我好憎恨那些謀財害命的人。你這個澳門女人教你的是她的專業。這碗紅豆沙現正澳門都失傳了。

    14. Chichoi Yu

      兩個月前先專登去食過,嗰碗糯米飯細到死又硬身居然賣到$38,其他嘢亦食平凡無奇, 完全唔值得專登去食,真係唔知米芝蓮好味嘅定義係邊

    15. Richard Wu

      糯米飯可惜糖尿唔食得 否則一定吃它三大碗

      1. 高菁荟

        Richard Wu 小小,吴怕的。

    16. online suntory

      消委會測試市面上25款可以放入微波爐的塑膠食物盒,其中7款無標示適用溫度,太熱可能變形,亦有"""膠盒釋放微量塑化劑""" 03:51 點睇臘腸膠繩都唔會有咁高既品質要求,泥水佬做門.

    17. Joe L

      我細個住響佢一家隔離,記得肥仔哥哥、婆婆,去佢車仔檔買糯米飯一個發泡膠飯盒塞到滿一滿兩餐都食唔哂。

    18. kamingalbert

      強記 香港🇭🇰 1⃣️ 👍🏼

    19. Ka Fai CHEUNG

      97年入舖?我8幾年已經食緊囉喎,由十幾蚊淨飯食到依家,我一直認為佢係香港島糯米飯第一,唔話香港第一係因為九龍新界我唔熟啫。你如果認為一碗足料飯賣三十六蚊貴,一碟五十元嘅垃圾碟頭飯算乜嘢?你又食?麥當勞都三十幾啦,貴?

    20. Eilands 19

      感觉很好吃

    21. Ng Mandy

      以前佢老竇老母就好!大大盒正常啲$2x!依家$38先至細細碗仲唔係好食!佢對自己嘅出品實在太滿意啦⋯⋯冇幫襯好耐

    22. 蛋生毛

      成班on9打手吹捧呢條契弟!懶係有人情味!收皮啦!叫你派飯就側側膊!你老豆老母點教你呀!

      1. Wing k Studio

        蛋生毛 毛哥,幾時派錢

    23. Poon Hihi

      久違了,想起幾十年前(童年時)吃的糯米飯就是這樣,加甜豉油!🤗🤗🤗

    24. Poon Hihi

      久違了,想起幾十年前(童年時)吃的糯米飯就是這樣,加甜豉油!🤗

    25. hill

      今非昔比

    26. Ng Kai

      不復當年勇

    27. Lin choi

      😋😋😋

    28. InvincibleFai

      細細個成日食,糯米飯,渣咋,腐竹薏米糖水最好味! 渣咋真係要試,記等加花奶! 不過依家太貴,經過都未必會食,真係太貴!

    29. Tony,c Tony.c

      又真係幾好食,佢都講得啱,吾好影衰個老豆個名

    30. Wai Man Wong

      出重未死,有啲運。

    31. Simon Yap

      每听到关于他说他爸爸每一段话,都是充满这敬爱,崇拜,每听一段,眼泪都想流。 愿天下儿女都明白父母对我们的栽培,即使每位父母的方式不一样。

    32. Kent Kwan

      一貼左條粉腸車呔標誌就扒街,唔謊好食,剩番貴同激氣

    33. Kable Games Maniac

      灣仔?

      1. Wilson Lam

        馬師道天橋

    34. Yu Cindy

      強記,加油呀

    35. Yw Ho

      全香港最好食的糯米飯已消失,慈雲山 57 座的糯米飯,只有花生,無其他配料,軟硬適中,另外火腿湯意,生滾粥,無敵! 住慈雲山大的街坊一定知。

    36. Tin Lung Tse

      地址喺邊度啊唔該你

      1. marco tam

        灣仔馬師道,富士大厦對面馬路

      2. Tin Lung Tse

        師傅中嘅師傅

    37. Chow George

      傳承,好正。新年快樂。

    38. Chow George

      正。有機會要吃下。

    39. 岑文超

      一句父传子承 感动

    40. Khin Lam

      飲食片全部講到幾咁辛苦 通常講到幾咁堅持 傳承 香港精神 咁先呃到飯食

      1. ding ding cheung

        咁鱔稿係咁架啦。 佢d野食好唔好味緊要d。

    41. Dick Yip

      現在又貴又唔好很食。

    42. chakpui choi

      食佢三寶記住識講混醬...三寶係豬皮.魚旦.蘿蔔..佢果糯米飯天氣冷果時食係特別好食

    43. club night

      價錢標咁…低?…抵?

    44. Vincent Tam

      強記糯米飯,雞蛋薏米糖水,豬骨粥必定係全香港最好食。好細個佢哋未入舖係杜老誌附近擺街邊已經開始食。但老實講強記而家糯米飯真係好貴.

      1. Win Win

        講真,如果賣40蚊碗,仲要係屋企飯碗size,我絕對唔會幫襯,完。

      2. Patrick CHOW

        +COMBINE Ltd 果位仁兄都係估佶吓咋!

      3. Patrick CHOW

        貴?各位睇吓街頭卷尾,D糯米飯賣幾錢先啦!普普通通一間食肆都賣到成百蚊合喇!幾十蚊可以滿足口慾仲賺貴?

      4. COMBINE Ltd

        Vincent Tam 40一碗貴啊。

      5. 牛牛牛大哥

        在香港边度

    45. dio lau

      講野 江湖? 老童咁款 你出黎行唔係入去坐 就比人打死左啦

      1. dio lau

        +Simon Yap 你算把啦 我要打死佢三分鐘都不用 笑話一個

      2. Simon Yap

        响度讲你就叻叻,试下去佢面前讲啦笨

      3. simon ho

        唔使俾陀地!🤑

      4. Napoleon拿破倫

        依你說法 健身室 個個都係大佬啦

    46. kin yeung ng

      啲人有時都係羊群心態;嘩……佢嗰間好好生意,好多人喺處排隊喎!一定係好好味啦。其實,有時未必,我就反而覺得佢哋啲糯米飯硬身得滯,乾咗啲,而且價錢又貴咗啲,總之見仁見智,純粹個人睇法。

      1. kin yeung ng

        +Gaamcou Lia 而家出邊好少有生炒,大多數都係蒸咗先嚟炒,因為生炒好麻煩。

      2. 乐斌

        口味呢家嘢,迎合大部分人就好,味道見仁見智。整人人都話好味嘅嘢食,地球人唔會出現呢種廚師

      3. Gaamcou Lia

        +Jason Tong 生炒?認真?睇多次……

      4. Jason Tong

        生炒既糯米梗係比較硬

    47. 蛋生毛

      呢條契弟我提議佢派飯俾老人家,佢一口拒絕!仲話開舖為搵錢,善事唔洗預佢。

      1. Simon Yap

        你都囖叼既,开铺唔系搵钱唔通系善堂啊。 做唔做系好各人既,佢系契弟甘你系咩啊

      2. ryan lau

        蛋生毛 派飯?派你老母D死人飯 屌你老母傻仔 你老母白頭人送黑頭人 過唔到年啊 死老母死老豆

      3. Dik Lai

        你條撚樣很定常常流連隔離間遊戲機中心啲老同冇錢食飯, 走去叫人做善事免費派飯, 咁就唔使錢有得食 咁都畀你諗到 好野!

      4. kiulolz

        我提議你派錢

      5. Wing k Studio

        Yat Ying Ha 走去叫人做慈善,仲惡撚過共產黨

    48. Tammy Leung

      D飯勁普通 吾知邊忽好味

      1. 單身狗

        有無聽架 控制好新舊米配搭份量 浸米啲水溫度 口感會好啲 佢又話蝦米 臘腸用本港貨 用最好嘅

    49. Vincent Chan

      有個好老豆真好

    50. Yat Ying Ha

      賣呢d嘢食最緊要真材實料,貴少少都肯定大把人食,其實點整到好食唔難,但係而家香港好多就係將貨就價。

      1. Napoleon拿破倫

        係比鋪租攪到本來用好既料 都收起晒用次等料用

    51. happyisforever

      廣告。

    52. terry lam

      我七儿十年代住天樂里夾軒尼詩道同灣仔道之間恒安大厦,喺佢地杜老誌道(改正)斜對面,記得當時有位年青人負責喳咋,好好味,唔知係唔係呢位强哥?

      1. 高菁荟

        terry lam 了解了。次次去香港玩都未太深入

      2. terry lam

        +高菁荟 灣仔杜老誌道係街道名稱,記得當年洛克道同告羅示打道之間?有一間夜總會,唔記得乜名?

      3. 高菁荟

        terry lam 杜老志系夜总会?

      4. terry lam

        +寶子林 謝謝!見面一定認得.

      5. terry lam

        祝各位豬年行大運,財源滾滾來.

    53. khm 7190

      5:23 倪震?

      1. Freda Lam

        khm 7190 係呀

    54. edmond mk

      我由細食到大!我覺得全香港最好食嘅糯米飯同渣喳!果時佢地好型㗎!皮褸牛仔褲成個油漆華咁!而佢地果時最出名嘅,一定係蘿蔔同牛雜,加D余均益落去,真係好食到連D汁都飲埋!早幾年問佢仲會唔會整番牛雜,佢又話會攪番,到而家都未整!

      1. Robert Ng

        +edmond mk 50 dollars now

      2. Yat Ying Ha

        +edmond mk 都可能係嘅,好似流浮山呀,洪水橋呀,屏山呀個頭都仲有醬油廠,仲有余均益係麻油樽咁嘅 size 都要廿幾蚊,不過冇計,真係唔同味。

      3. edmond mk

        +Yat Ying Ha 我估果隻辣醬都係香港出嘅!之前係超巿買都係$9蚊啤酒樽咁大枝。但係余均益而家買到幾十蚊枝!

      4. Yat Ying Ha

        你講起余均益就諗到香港啲食店點退步! 以前好多啲粥檔麵檔都係用余均益, 依家用啲死人大陸貨不知所謂!

    55. YN LAW

      我全家至愛

    56. siubo Li

      好想去試下

      1. Wilson Lam

        +leung mythlogic 總好過是別人的世界

      2. leung mythlogic

        +Wilson Lam 生活在自己的世界也是件好事

      3. Wilson Lam

        +leung mythlogic 各有觀點

      4. leung mythlogic

        +Wilson Lam 米芝蓮比不上你的負皮?

      5. Wilson Lam

        唔駛.唔值

    57. 勁人

      蒸飯-.-